Дугуй Хээтэй Булан

Аль дээрээс л  Блогтой эгчтэй уулзана гээл бодоол яваал вайлаа яваал вайлаа. Ашгүй эгчхүү монгол буцах болсоноор замаараа манай суурингаар дайрах болж. Нэг сумаар хоёр туулай буудахдаа гаргуун анчин ажаа маань  Галавсай дүүгээ намнахаар хээрийн шувуу нисэн үл хүрэх  алс холын Малайз улсаас төмөр шувуу хөлөглөн тэнгэрээр дүүлэн ниссээр нүүдлийн шувуудын далавч юүгаа амраадаг Инчеоны цөөрөмд анхны  газардлагаа хийлээ. Тэндээсээ шууд Сөүлрүү довтолж нэгэн өндөр модонд үүрээ засаад төвөхнөөд авсан байгаам.

Шаазгай шувуугаар илч довтолгон...

-энд би ирлээ...

-ирж надтай хүчээ үз...

-ургахын улаан нарнаар  болзоотын бор Түндэмүний толгой дээр морь, хонь ,бич ,тахиа цагаас өмнө ирсүгэй...

-гэж лүндэн буулгасныг би хүлээн авч хонины бор морио зайдагнаж холоос ирсэн зочинтой нэгийгээ үзэж нэхий дээлээ уралцаж учир начираа ололцохоор зүрх зоригоон чангалж зүүн нударгаараа жолоогоо тас атган  хүйтэн салхи сөрж цогиулсаар жалга дов гол горхи гаталан шуугиулсаар тахиа цаг  дуусхын тав дахь донгодохтой  зэрэгцээд зорьсон гарзаа яг гозойв.

Еээ хөх тэнгэр минь.

Нумлан татсан мэт хөмсөгтэй нимгэхэн жимбэгэр уруултай торомгор алаг нүдтэй толь шиг тунгалаг царайтай нарийхан гуалиг бэлхүүстэй нуруугаараа надаас ялимгүй өндөр  насандаа таарсан намбатай ажаа сувдан цагаан шүдийг яралзуулан мишээж угтах нь тэр шүү.

Уурсаж улайрсан би уралцаж ноцолдох л юм бодоод уранхай дээл, ул нь салцан бахиалаа углаад гараад ирсэнээсээ аягүй аймаар ичиж тас хар нүүр минь чавга шиг улайж чацга шиг шарлаад ирнэ биз дээ.

За тэгээд тэр холоос ийм гоё гоё бэлэг ачаа болгож авч ирсэнд Блогтой аниадаа томоос том баярлаад блогтоо бичиж байгаа нь энэ ээ...Үлгэр шахуу юм  болчив уу яав ?

За энэ хэдийг харж байна уу ? Арын фон олдодгүй аргаа бараад ханандаа өлгөсөн ганц алтан  булаг хивснийхээ наана өрж байгаад  гэрэл сүүдрийг өнгөтөөр буулгав.

1. Цагаан адрестай өндөр хүзүүтэй нь Vodka. Малайзын хамаг шилдэг соортын улаан буудайгаар хийсэн "А хайрхан" Манайхааар болбол АПУ хавьцаа очих юм шиг байгаам.

2. SABAH...ORANG UTAH - монголоор орчуулвал "Оронгуутаа савах" гэж байгаам. Ганцхан SABAH  гэдэг арал дээр ORANG UTAH гэж энэ нөхөр амьдардаг юм байна. Харах царайны санаагаараа савдаг байрын этгээд байна лээ.

3. SABAH TEA- "Савахтий" цай нь амт чанар үнэр танар ааг омог гэж ярих юмгүй. Юүн "дугуй хээтэй булан"  бишээ дугуй булантай цай, липтон цай май-тэднийг чинь холоо хаяна.

4. SAAT- за энэ бол тамхи. Тамхи тамхидаа их учир жанцантай. Мааш  ховор эмийн ургамлаар хийсэн тамхи. Бараг л эмчилгээний зориулалттай гэж хэлж болхоор.  :Р

5. CHIVAS- "Чааваас" за энэ бол тодорхой. Мөс зөстэй хольж намжиртай гэгч нь уудаг бээскээ...

6.Arrivals- Малайзын талаар товч танилцуулага бүхий жуулчидад зориулсан ном. Их гоё гоё зурагнуудтай юм билээ. Хэл мэдкүү хүн чинь зургийг нь харж л баясах юм байна шдээ.

7. Pengantin- за энэ дээр жоохон тогтож ярьнаа. Нүүрний хуудаснаасаа эхлээл гоё  гоё хүүхнүүд. Нүүр царай өмсөж зүүсэн энэ тэр зогсолт бол айн гачаан гачан. Эгч маань муу дүүгээ хамгийн ихээр ойлгодог нь энэ сэтгүүл дээрээс л харагдаж байгаа байхгүй юү.

-Тэгжийшд надыг.

За чи гэртээ хариад наад хүүхнүүдтэй сэтгүүлээ сайн эргүүлж тойруулаад шиншлэн судлаадах.Тэгээд аль хүүхэн нь таалагдав тэрийгээ эгчидээ хэлчих.Эгч нь дор нь тэр хүүхний чинь талаар утас шөрмөс төрсөн жил сар өдөр судартай нь мээлдчий. Тэгээд танильцаад суучих...гэжийшд...хэ. хэл сурдаг хэргээ ердөөсөө.