Дугуй Хээтэй Булан

Амархан сайн байцгаан уу ? Үгүй мөн та хэдийгээ санаж байна гэж жигтэйхэн. Алив ах дээрээ  ирж үлгүүл, сахалтай хошуугаараа хэд сайн үрж өгөмц. Хэнээс ч билээ дээ нилээн дээхэн сонсож байлуу уншиж байлуу яалаа бас мартарцаржээ. Сайн блогчин сардаа нэг бичлэг оруулдаг юм гэхээр  нь саваагүйтэж үзмээр санагдаад сар гаран салхи оруулсангүй. Өглөө бүр блогоо шалгаж  өөрийгөө тандаж биеэ чагнавшив. Өнгө орж өөрчилөгдөөд ухаан сууж сайжираад байгаа юм лав ажиглагдсангүй. Хамарт минь элбэг багтдаг байсан тэр хөөрхөн мойног хурууд минь keyboard дээрх хамаг том Enter хноопыг хүртэл онож ядан товшиж, хөдөлгөөн нь эрс удааширсаныг эс тооцвол  энэ онол худлаа болохыг өөрийн биеэр нотлов. Онол практик хоёр амьдрал дээр зөрөх үе гардаг л юм байна.

Цаг хугацаа гэж мөн хурдан юм аа.  Гурван сайхан андтайгаа хавсайдаж Худалч Хүүхдүүд гэж нэг сайхан тэмцээн анх зохиож байсан юм. Олон ч блогчид оролцосон доо. Анхных болоод ч тэрүү оролцож байгаа блогчидын маань идэвхитэй байсан гэж янзтай. Үг хэл гэж сумаа сум. Бичиж барина ч гэж лут. Зарим нэг нь бүүр "Гурав Ди" хэлбэрээр бас товойлгож бичиж байсан санагдаж байна. Түмэнд зартай олонд цуутай мундаг мундаг худалчууд бас ирсөөн. Баараггүй үнэн яриад байгаа юмуу даа гэтэл худлаа залж байх жишээтэй. Баргийн юманд итгэдгүй байцаагч нар хүртэл итгэж байсан гэхээр ямархуу хүмүүс байсан нь тодорхой байгааз. За за болий, ам халаад хаа хамаагүй юм цуурж байгаад түрүү жилийн түрүү магнайгаа хэрэгт хийх гэж байнашд. Түй түй түй... энэ жилийн баян ходоодонд орж хар цагаан хэл амаа тэнцэтгэ.

Тэгсэн сайн нөхөд санаагаараа гэж энэ жил Худалч Хүү-г ахиад зохиож байгаа юм байна. Та нар минь миний хоёр андын энэхүү наадаанд идэвхи чармайлтай оролцохыг урьж байна. Тэмцээний " эрүү  шүүлт, шүүгч яллагч" энэ тэр дээр бол санаа зоволтгүй. Дандаа улсын сертификаттай шүүгч  нар байгаа. Мэдээж зуун "ухна" уралдуулж байгаам чинь түрүүлсэн "ухна"-ыг шагналд тодорхойлох нь дамжиггүй.Их лөндөр шагналтай юм дуулдана лээ. За өндөрдлөө өндөрдлөө гэхэд надаас нээх өндөр гарахгүй байлгүй. Хүнээс өндөр шагнал ч гэж юү байхав. Мөн шагналын сан ман, хэзээ яаж олгох талаар надаас асуугаад дэмий байх шүү. Би ч бас мэдэхгүй. Харин цаг зав юү болж байна ,нээнтэг нь таарвал нэг юм сараачаад явуулюу гэж бодож байгаа.

Орлоцогчидынхоо "царайг нилээн харна" гэж байна лээ шүү цаадуул чинь. Нэгэнт  л өндөр шагнал амлаж байгаам чинь оролцогчоо ч бас өндөр шалгуураар шалгаж байж авах юм гэсэн.  Одоо би яанаа царай муутай гэж санаа зоволтгүй. Далдын хар малгай өмссөн биш тэд юугаа мэддын. Гадаад дотоодоор явж галуу шувууны мах идэж үзсэн , таван орны хэлтэй дээрээс нь далайн гахайн хэл мэддэг, Кээмбриджийн их сургуулыг, КТМС-ыг зэрэг дүүргэсэн ,одоогоор  дэлхийн эдийн засгийн хямралын гол зангилаа болсон Монгол улсын төв банкинд ерөнхий сөгдүүлэгч/зөвлөх/-өөр ажиллаж байгаа гээл жоохон бүлтэрчихэд л бараг л ялаг ч болно доо. Та хэддээ л гэж энүүхэндээ хэлхэд.

Жич: Түрүү жилийн шагналын талаар өгнө өгөхгүй гээд комиссын гишүүд хоёр хуваагдчаад байгаа тул асуудлыг дахин авч хэлэлцэхээр хойшлуулсан болхыг энэ дашрамд дуулгахад тун их таатай байна.

Комиссын дарга асан: Гэзэг ороогч.