Дугуй Хээтэй Булан

Хаврын синдром ид үе дээрээ явж байна даа.  Ерөнхийлөгчийн сонгууль удахгүй болох гэж байгааг ч хэлхүү хүн болгон л энэ тийш чих тавин санаа алдан сууж байгаа байх даа.  Сонин хэвлэл зурагт араажав интернэт блог млог гээл ер нь сонгуультай холбоотой болон оролцож буй хоёрынхоо талаар сайн муу элдэвийн л юм бичсэн байгаа харагдахын. Сэхээтэн гаралтай сэтгүүл мэргэжилтэй гэх цөөн бус нөхөд энэ рольд ихээхэн хүчин зүтгэж байх шив.  Бүр муулах үг олдохоо байсан уу яасын зайлуул эд эрхтэн өмсөж зүүсэнээр гутаан доромжилдог болж.

ЭнхБаяр гэж хүүгээс  сүүлийн үед Урт шар дээлт гэдэг нэр  салхаа байсан. Энэ нэр нь бүүр сүүлдээ "брэнд" болж байна.  Та нар боддоо бүхэл бүтэн улсын ерөнхийлөгч оодойсон тэрлэг эгэлдэрэглээд явж байвал сайхан харагдах уу айн ? За мань хүн өөрөө ичдэгүй юмаа гэхэд намын нөхөд нь ичэж үхэх нь үхээд , намын харяалалаасаа гарах нь гараад парламент гэх  зөөлөн суудалтай дугуй өрөөнд суух хүн олдохоо байна биз. Энэ хүнээс би нэг юм асуумаар байна ? Таныг авилгалыг үндэслэгч загалмайлсан эцэг нь гээд байхын. Энэ ер нь хэр үнэний ортой вэ?

ЭлбэгДорж хүүг болхоор ам нь хуурай байдагүй дандаа л ярьж байдаг ам гар хоёр нь байнга зөрдөг бас дээр нь хүзүүгүй хүн гэж ч байх шиг. Хийж бүтээхэд хүзүү ямар хамаа байна. Хүзүүтэй байна уу хүзүүгүй байна уу ер нь падлы байхгүй гэж бодхын.

Болоогүй бас овог нэрээр нь оролдож үзжээшд.  Намбарын гэдгийг Самбарын гэж өөрчилөж байна. Намбар гуай зайлуул бидэнд ямар гэм хийсэн болоод хөөрхийг Самбар гэж авгайлаад байгаан бол.  Энхбаярын эцэг болсоноороо буруудаж байгаа байхдаа. Яахав эцгээр нь дайруулж атаклаж байж болхын тэ.  Угаасаа тэхгүй бол толгой  дээр гарч сандайлчаад үгэнд орохгүй байгаа гээ биз дээ цаад моньд чинь. 

Цахиа гэдэг хүн чинь "хужаа"  хүний нэр юм гэжийн шүү бурхан бүүзэгд гончигсумлай.  Ухаан нь манайхан аливаа юмыг ухаж ойлгохдоо гаргуун юм болхоор жинхэн нэр нь Циа Хуа гэдэг "луухаан" Элбэгдоржын эцэг нь гэж сэтгүүлч гэх нэг годгор  охин хэлж байна шүү цаана чинь. Мань хүн ер нь хэнийг ч хужаа болгож мэдхээр мундаг сэтгүүлч   бололтой.

Дургүй хүргэсэн  аль эсвэл таалдагүй хүнээ эхлээд гутал хувцас дараа нь  эд эрхтэнээр нь баахан доромжилоод ханахгүй бол удам судар гарал үүсэл овог энэ тэрээр нь гүжирдэж  болох нь байна шүү дээ.  Хүний нэрийг яаж хятадчилаж байгааг дээр харсан биз дээ. Ойролцоо дуудлагаар нь хувиргаад хаячиж байншд мундаг улсаа. Яаж ийж байгаад л дотор хүн болгочих гээл байна шүү дээ.  Мөдхөн би хятад нэртэй болцон таваргаж явбал нээх гайхаад байхааргүй л юм байна. 

Ер нь бодлоо. Монгол улсын ерөнхийлөгч болох хүнд тавигдах шаардлага буюу гадаад үзэмж энэ тэр гээд нэг тиймэрхүү хууль ч юмуу гууль ч юмуу нэг юм баталчуул тэ.  Өндөр нь тэдээс тэд ,  хүзүүгүй байж болохгүй , шар дээл өмсөж хуврага царайлж болохгүй,  цээж бэлхүүсний тойрог нь яг төдөн төө байх ёстой гээд заагаад өгчүүл манай 76 бас нэг юм бодыш дээ. Үгүй бүр энэ стандартад тэнцэх УИХ гишүүн олдохгүй бол манайх шиг загварын хлуув олонтой газраас өндөр гуалиг гадаад үзэмж сайтай фотогничны хүүхдүүд зөндөө олдох байлгүй. Тэндээсээ шалгаруулаад аваач.

За за миний синдром энэ хүрээд дуусах шиг боллоо.