Дугуй Хээтэй Булан

Хүн ээ гэж... Нялх нялзарай байхдаа өлгийн дотроо хүнд хөнгөөр биеэн засж даавуу тэсгээдгүй байсан гэж ижий минь хааяа ярьдагсан. Мөөмнөөсөө гараад мөлхөдөг болоод ирсэн биш бойтогны хоншоор өмдныхөө өвдөгийг тэсгээдгүй байсан шдээ чи гэж аав хааяа хуучилдагсан. Арай жаахан томроод арьсан бөмбөг өшиглөж гэртээ ч гангараанд ч угладаг ганц муу бажинкныхаа хоншоорыг нь цоолж улыг нь хуу татсан ч тоосон шинжгүй тоос татуулан гүйдэгсэн. Орж гардаг хаалга хажууд нь бэлээхэн байхад олби оготоно шиг онгорхой цоорхойгоор нь чихэж шургалан хувцас хунараа онги татаж урсан ч улам зүтгэсээр гараад явчихдагсан. Хашаан дээгүүр муур шиг дүүлж харснаа  чулуугаар  нүүлгэж байсан цаг үе саяхансан. Тоглож наадаж  л байвал сайхан байдаг балчир нас сайхаан.

Ёоо  уянгалаад  худлаа болоо явчилаа. Чухам яруу найргийн шидийг үзүүлэх гээд байна гүй юү айн би. За тэр яахав. Нээрээ л хүүхэд нас ийм сайхан байсан байна шүү дээ. 

Цагийн сайханд шүү дээ... шүдлэн нохой ч дийлэхгүй булууны ясыг бул мэт гучин нэгэн цагаанаараа бяц бяц няцалж гурил болтол нь тээрэмдээд банхардаа өгдөг байлаа гэчүүл худлаа залсан болох байх даа. Мэдэх нэг нь мэднээ намайг. Харин одоо яаж байна. Зөөлхөн юм, зажлах нь хүртэл цөөхөн юм гээд цагаан будаа агшаагаад таван ширхэгийг үмхэлээ гэхэд талыг нь залгиад талыг нь буруу хоолойруугаа оруулаад  буцаагаад гаргаад ирж байна. Идэш яльгүй ихдээд ирвэл гэдэс гэж тогоо шиг болтолоо цэрдийгээд өдөр шөнөгүй биохий ялгаруулах нь тасалгааны амьтадад таагүй санагдана.  Шимтэй юм гээд сүүлний өөх хэдийг огтолоод  сүүтэй цайндаа хийгээд дөнгөж ойчиж сортол онгорхой байсан цонх саваад огли үсэрч би цочоод аягатай цайгаа чулуудчиж байна. Зүгээр ч нэг чулуудчихгүй заавал нэг юм замд нь ононо. Тэр нь хагарч хэмхэрэхдээ амархан хамгийн хэврэг зүйл байж таарна. Ээ халаг минь ээ халаг минь. Сандарч очоод хамаад авлаа гараа эсгэнэ. Хамаг цусаа юүлээд нүд бүрэлзээд чих шуугиад тархи эргээд тас гэдэргээ саваад ойчино.

Сархад чи савнаасаа бусдыг дийлдэг гэлүү сачий чинь хүрвэл намайг унгаадах гээд  шанага шанагаар залгилдаг саваагүй нас ард хоцорчээ.  Үхрийн нүд шиг юмаар нэг л тонгойлгоол  хэл ээдрээд хөл орооцолдоод өнхөрөөд өгдөг болсон байна лээ. Өглөө сэрээд хаагуур явж юү хийж юү ярьсанаа санахгүй нөхдийн баалсан бачим үгэнд баахан ичиж улайсаж байх жишээтэй. "Кола"-наас өөр юм уудагүй найзыгаа вино уугаа юү эсвэл пиво уугаад байна уу аан коланы лаазанд архи хийчээд надаас нууж уулаа чи гэж өөр шигээ санаж аль болох алкоголны төрлйин юм амсуулчих санаатай .

Нэг сайхан морь харья гэтэл өмдний түрий гутлын хоншоороо норгоод дуусаж байна. Залуу ч байж цус ч шингэн байж нүүрээ  угаачидаг байсаншд.

Аливаа үйлийг үйлдэхдээ алгуурлах сонирхолтой болчиж. Өөрөө биш өөрөөлийг түрүүлж эхлүүлэх хичээх болчиж. Долоо хэмжиж нэг огтолохдоо хамгийн буруу хэмжээсээр нь огтолоо хаячиж байна. Өглөө нь санаж байсан зүйлээ өдөр гэхэд мартаад байна. Урд өдөр нь боож баглаж бэлдээд  өглөө гарахдаа аваад явнадаа гэсэн зүйлээ хэн зам таглаад юм тавьчивдаа гээд холоо өшиглөчөөд гараад явчиж байна.

Тэнэг дээр зөнөг залгаад би  ер нь больжээ.